Приведен сопственик на угостителски објект во Пирок во кој имало гости и работел по дозволеното време

Тетовската полиција синоќа околу полноќ во селото Пирок привела 50- годишен сопственик на угостителски објект во кој имало гости и работел по дозволеното време.

-Приведувањето е поради тоа што не ги почитувал мерките за справување со ширењето на коронавирусот. По целосното документирање на случајот на М.Ј. (50)  ќе му биде изготвен соодветен поднесок за сторено кривично дело „непостапување според здравствени прописи за време на епидемија“, согласно член 206 од Кривичниот законик, информира Марјан Јосифоски, портпарол на СВР Тетово.

И на 2 декември при заедничка контрола на полицијата и Државен пазарен инспекторат во тетовска Мала Речица беше приведен сопственик на угостителски објект поради работа надвор од прописите за време на епидемија.