Притвор за четворица Бугари за криумчарење мигранти
Четворица државјани на Бугарија добија кривична пријава и осумдневен притвор за криумчарење мигранти. На граничниот премин „Богородица“ завчера се обиделе да превезат осум илегални мигранти од машки пол од Шри Ланка и од Авганистан на возраст од 18 до 41 година.
Пријавените Љ.Б.(63), П.Х.(59), И.Р.(53) и Т.Т.(24) на 9 март во 10.30 часот влегле на граничниот премин „Богородица“ со минибус „Ивеко“ со бугарски национални ознаки, управуван од првопријавениот, додека другите тројца биле негови сопатници.
- При извршени дополнителни проверки на превозното средство од страна на полициски службеници и царински работник, во посебно направен бункер во горниот дел од возилото биле пронајдени осум илегални мигранти од машки пол. Мигрантите се на возраст од 18 до 41 година, пет од нив се од Шри Ланка, а тројца од Авганистан, соопшти МВР.
Мигрантите во разговор со полицијата кажале дека од пријавените лица и од непознато лице од Атина биле прифатени и за определен надомест требало да бидат превезени до Италија.
На четворицата пријавени им е одредена мерка притвор во времетраење од осум дена. Дел од мигрантите се сместени во Прифатниот центар, а дел им се предадени на грчките погранични служби.
Ново на Сител
-
Мицкоски: Ги следиме случувањата во Србија
-
Тема на денот со Тимчо Муцунски, министер за надворешни работи
-
Диви депонии
-
Десетици илјади на протест во Белград - 15ти за 15те
-
Спасувачка акција на Мавровскo езеро
-
Почина мотоциклист по тешката сообраќајка во Влае - моторот преполовен на два дела
-
Мицкоски: Без разлика дали ми се допаѓаат или не, нема да коментирам судски одлуки
-
СДСМ утре избира претседател - зошто Филипче нема ниту еден противкандидат?