Приштина и Белград почнаа соработка околу убиството на Ивановиќ
По речиси три недели од убиството на еден од лидерите на косовските Срби, Оливер Ивановиќ, властите на Косово почнаа соработка со своите српски колеги, со цел што побрзо расветлување на убиството.
Основното јавно обвинителство од Косовска Митровица потврди дека дел од документите од истрагата и се дадени на српската страна.
Информацијата за телевизијата Клан Косово ја потврди и косовскиот министер за правда Абелард Тахири, но не прецизираше за какви документи станува збор.
Неофицијално се дознава дека еден од документите е извештајот од обдукцијата.
Во меѓувреме, заменик директорот на регионалната полициска дирекција за северниот дел на Косово, Бесим Хоти, информираше дека се уште нема ништо конкретно околу идентитетот на можниот извршител на убиството.
- Нема ништо конкретно. Полицијата ќе ги истражува и тврдењата на срскиот новинар Стефан Цветковиќ, кој посочи полициски службеник како можен убиец, изјави Хоти, упатувајќи апел до населението да соработува и да помогне во расветлувањето на убиството.
Хоти нагласи дека нема напредок во врска со можниот сторител на убиството на Ивановиќ и додаде дека работната група која врши истрага за случајот работи непрекинато.
Лидерот на партијата Граѓанска иницијатива „Србија, демократија, правда“, (СДП), Оливер Ивановиќ, беше убиен утрото на 16 минатиот месец, кога во него беше пукано пред неговата канцеларија во Косовска Митровица.
Ново на Сител
-
Студентите кои протестираа поради војната меѓу Израел и Хамас се судрија со полицијата во Тексас
-
Златен џебен часовник од „Титаник“ продаден за рекордни 1,2 милиони фунти
-
Пронајдено безживотно тело на 26 годишна девојка во куќа во Штип
-
Лазаров го објави списокот на ракометари за собирот пред средбите со Фарски Острови
-
Силва го напушта Челси на крајот од сезоната
-
Партиите и коалициите продолжуваат со промоција на своите политички понуди на терен
-
125 санкционирани возачи во Скопје
-
Најмалку тројца полицајци убиени во престрелка во Северна Каролина