Примера: Победа за Малага

Екипата на Малага синоќа постигна победа од 2:1 на последниот натпревар од 23.коло од Примера откако на домашен терен го победи Лас Палмас. Гостите беа екипата која прва дојде во водство во 19.минута со голот на Маурицио Лемос. Пресвртот го најави Пабло Форналс во 27.минута, а конечните 2:1 ги постави Чарлс во 35.минута.

 

Малага натпреварот го заврши со десет играчи откако Хозе Родригез во 70.минута беше исклучен поради вториот жолт картон.

Малага со новите три бодови се наоѓа на 13.место со 26 бодови, додека Лас Палмас е на 12.место со 28 бодови.Ова за Лас Палмас беше трет пораз по ред.

 

Табела: Реал Мадрид 52 бода, Барселона 51, Севиља 49, Атлетико Мадрид 45, Реал Сосиедад 41, Виљареал 39,...