При пожар во Австралија повредени се двајца пожарникари

Најмалку двајца пожарникари се повредени, а 19 куќи се уништени за време на викендот при пожарите што ја зафатија австралиската држава Нов Јужен Велс, соопшти денеска локалната пожарникарска служба. 

Повеќе од 2.500 пожарникари се борат со стотина пожари во Нов Јужен Влес, додека температурата достигнуваше до 47 степени Целзиусови во одредени делови на земјата. 

Огнот бил поттикат од сувите и врели северозападни ветрови од правец на австралиската пустина што дуваа со брзина од дури 75 километри на час. 

Шумските пожари се честа појава во Австралија во текот на летната сезона.