Презентирани мерки за прилагодување на лозарството кон климатските промени
Проектот на УСАИД за адаптација на земјоделството кон климатските промени денеска во неготинско демонстрираше неколку земјоделски мерки за прилагодување на лозарството кон климатските промени кои изминативе три години ги тестираше кај трпезното грозје.
Oд канцеларијата за комуникации на УСАИД соопштија дека на едно од нивните опитни полиња, поставено во лозов насад, сопственост на Васка Мојсовска од Неготино ги собрале земјоделците и советниците на Агенцијата за поттикнување на развојот на земјоделството.
Тимот на проектот и проф. д-р Климе Белески, технички експерт на проектот за лозарство, укaжаа на некои од стратегиите за прилагодување на земјоделското производство кон климатските промени, како што се употреба на УВ заштитни мрежи, аплицирање на калциум карбонат и Т-систем на кроење, кои се употребуваат за заштита на лисната маса и плодовите од сончеви изгоретини. Беше демонстриран и процесот на аплицирање Калциум карбонат во лозов насад.
Проектот на УСАИД за адаптација на земјоделството кон климатските промени, почна да се спроведува во април 2012 година од страна на Мрежата за рурален развој на Република Македонија. Целта е да им помогне на земјоделците да го зачуваат нивото на приход преку намалување на штетите предизвикани од промените во животната средина.
Проектните активности се фокусирани во медитеранската зона, вклучувајќи го Вардарскиот регион со делови од струмичко и гевгелиско – земјоделско богати области кои се под најголемо влијание од климатските промени.рп/бак/17:15
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан