Претставници од 25 земји на Самитот „Македонија 2025“
Околу 50 врвни говорници од 25 земји, 400 делегати и 50 акредитирани медиумски претставници ќе бидат дел од 6. Самит „Македонија 2025“ што ќе се одржи на 1 и 2 ноември во Скопје.
Во фоскуот и овојпат ќе бидат последните трендови од бизнисот, лидерството и иновациите.
На отворањето на настанот ќе се презентираат успешните економски модели на Сингапур и Ерменија преку излагањата на претседателот на Бордот за економски развој во Сингапур Суан Хианг Ли и партнерот во ерменско-руската фондација за економски развој Пјер Гурџијан. Потоа ќе се дискутира за можноста најдобрите практики да се применат во Македонија и регионот.
Сесијата ќе ја предводат Зоран Мартиновски од МФК Корпорацијата на Светската банка за Македонија и Црна Гора и извршниот директор во тимот на американските финансиски институции на „Мудис“ Ана Арсов. Најавени се обраќања на премиерот Зоран Заев, вицепремиерот Кочо Анѓушев и гувернерот на Народна банка Димитар Богов.
Попладнето Самитот продолжува со три сесии: за странските директни инвестиции и развојот на локалните добавувачи, за улогата на жените како лидери кон одржлива иднина и за должноста кон татковината.
Според агендата, на втори ноември ќе се дискутира за медиумската и телекомуникациската индустрија, социјалните медиуми и платформи и обновливите извори на енергија.
Една сесија ќе биде посветена на Македонија како центар за паметни индустрии.
Самитот завршува со панел за техонологиите на иднината: Најбрзи автомобили во светот, како и со презентација на можностите за добивање стипендии за претприемништво.
Пред официјалниот почеток на „Македонија 2025“, на 31 октомври, младите иноватори ќе ги презентираат своите бизнис-идеи на натпреварот Get in the Ring. Жирито ќе додели награда од 1.500 долари за најдобриот средношколски тим.
Ново на Сител
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба