Премиерот Груевски на Конгресот на ЕПП во Мадрид
Македонскиот премиер и претседател на ВМРО-ДПМНЕ присуствува попладнево на Конгресот на Европската народна партија, кој се одржува во Мадрид, Шпанија.
Овој конгрес е мошне значаен за ЕПП на кој освен смерниците за важните прашања со кој се соочува европскиот континент се избира и претседател на партијата, како и потпретседатели и генерален секретар. Конгресот го отвори премиерот на Шпанија Маријано Рахој, а се обрати и актуелниот претседател на ЕПП Жозев Дол.
Во Мадрид се највлијателните политички лидери чии политички опции се десноориентирани и дел од семејството на партии на ЕПП, меѓу кои германската канцеларка Ангела Меркел, премиерите на Унгарија Виктор Орбан, на Португалија Педро Пасос Коело, на Ирска Енда Кени, премиерката на Летонија Лаимдота Страујума, претседателот на Европската комисија Жан Клод Јункер, претседателот на Европскиот совет Доналд Туск и премиерот Маријано Рахој на Шпанија, земја домаќин на конгресот.
Премиерот Груевски учествуваше на работното претседателство на Европската народна партија кое го предводи процесот на избор за нов претседател, и заедно со останатите политички лидери од Европа гласаше за избор на нов претседател.
Очекувањата се дека огромното мнозинство ќе го потврди реизборот на досегашниот претседател на Европската народна партија и единствен кандидат за избор на оваа позиција Жозев Дол.
Предвиден е и дел каде што ќе се обраќаат шефовите на влади кои се членки на ЕПП, при што свое обраќање ќе има и премиерот Груевски.
Европската народна партија е највилијателната политичка сила во Европската унија и победник на последните избори во Европската Унија.
Ново на Сител
-
Претседателката Сиљановска Давкова ќе ги прими поглаварите и претставниците на верските заедници
-
Најмногу дожд наврнал во Крива Паланка, најстудено утрово во Крушево
-
Неексплодирани убојни средства од Првата светска војна пронајдени во прилепскиот регион
-
Екстрадиран Љупчо Палевски Палчо, пренесен во Истражниот затвор во Шутка
-
Претставници на Западен Балкан, ЕУ и САД во Котор ќе разговараат за планот за раст на регионот
-
Премиерот Фицо е во свесна состојба
-
Заседание на Воениот комитет на НАТО на ниво на началници на генералштабови
-
Втор ден Самит „Македонија 2025“ со панели за справување со корупцијата, странски инвестиции, дигитализација