Прегазен пешак кај Истибања

Вчера околу 18.00 часот на магистралниот пат Делчево – Штип, на делницата од с.Истибања до Виничка раскрсница, поточно на месноста викана „Гара“, се случила сообраќајна незгода во која патничко моторно возило „Сеат Кордоба“ со светиниколски регистарски ознаки удрило во пешакот Ѓ.Т. (67) од Делчево, кој туркал велосипед.

 

Во незгодата со тешки телесни повреди се здобил Ѓ.Т. , на кој му била укажана лекарска помош, по што бил препратен во Клинички центар Скопје.

 

Увид на местото на настанот извршила екипа на СВР Штип.