-->
-->
Предраг Петрушевски: Заев заборава дека многу деца нема кој да ги прехрани, бидејќи нивните родители загинаа во заседи
-->
Зоран Заев со изборот на Џезаир Шаќири Хоџа за советник, испиша уште една антимакедонска страница во своето владеење, вели за Фактор, претседателот на Здружението на бранители „Куманово 2001“, Предраг Петрушевски – Бинго кој учествуваше во борбените дејствија во Кумановско- липковскиот регион.
Тој како и многу граѓани е изненаден од одлуката Хоџа кој инаку е поранешен припадник на ОНА и поранешен пратеник да биде ангажиран како надворешен соработник од областа на внатрешната безбедност и борба против радикализмот за период од една година при што ќе добива плата од 36.000 денари.
„Пред да биде премиер Заев изјави дека на СДСМ не им личел патриотизмот и дека огромна грешка им било што дале поддршка на Законот за бранителите. Со назначување на Хоџа, само даде потврда на изјавата“- вели Петрушевски.
За објаснувањето кое вчера за медиумите го даде премиерот Заев при што кажа дека Хоџа ќе биде од помош и дека имал многудетно семејство, па затоа ќе може да си го заработи лебот чесно, Петрушевски потсетува дека не се води грижа за децата на бранителите.
„Хоџа имал многудетно семејство, и требал да ги прехрани, Господ здравје да им даде. Но, Заев заборава дека многу деца нема кој да ги прехрани, бидејќи нивните родители загинаа во заседите и нападите 2001-та, организирани од Хоџа. Но, бранителите се горди луѓе и не плачат, туку стискаат заби и продолжуваат со својот секојдневен живот“- вели Петрушевски.
Бранителот смета дека секако можело за таа позиција да се одбере соодветен кадар, со соодветно образование и искуство.
„Хм, дали има посоодветна личност за советник? Па, покрај толку граѓани со професорски титули и со теренска подготвеност, мојот одговор е секако да. Има многу Албанци кои се посоодветни за таа функција и не само Албанци, туку и сите други“- вели Петрушевски.
Тој додава дека бранителите никогаш не жалеле и не се покајале што застанале на браникот на Македонија во 2001 годна, а сигурен е дека ако повторно би затребало, ниеден од нив не би се двоумел повторно да земе оружје и да тргне во борба за одбрана на сè што е македонска вредност.
Заев кажа дека нема предрасуди и дека Хоџа може многу да помогне доколку има екстремистички групи во Танушевци.
Од ВМРО-ДПМНЕ реагираа дека не може Заев да го плаќа Хоџа од народни пари и дека ако сака да го згрижи подобро е да го вработи во неговите семејни фирми. Лидерот на партијата, Христијан Мицкоски повика да се раскине договорот за вработување, и додаде дека Хоџа е на американската црна листа.
Извор: Фактор
-->
-->
-->
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“