Пред натпреварот Албанија-Израел, Американскиот стејт департмент ги предупреди своите граѓани на внимателност
Во пресрет на фудбалскиот натпревар Албанија-Израел, американскиот Стејт департмент ги предупреди на поголема внимателност своите граѓани кои престојуваат во Албанија.
- На седми септември 2018 година(петок) во 20:45 часот на стадионот во Елбасан ќе се одигра фудбалски натпревар меѓу националните репрезентации на Албанија и Израел. Иако немаме сознанија за какви било специфични закани кон американските државјани, ги повикуваме да бидат внимателни пред и во текот на натпреварот, стои во предупредувањето на Американскиот стејт департмент, објавено на Твитер.
Фудбалскиот натпревар Албанија-Израел се игра во рамки на Лига на народите.
Фудбалските екипи на двете држави последниот натпревар го имаа на 16 ноември 2016 година, исто така на стадионот во Елбасан а за безбедноста се грижеа над две илјади полициски службеници, припадници на специјалната полициска единица „Ренеа“ и единицата за брза интервенција.
За безбедноста на израелската делегација во хотелот каде што престојуваа, освен полицијата беа ангажирани и припадници на Националната града на Албанија.
Првично натпреварот требаше да се одигра на стадионот во северниот град Скадар, но по апсењето на албански и косовски џихадисти, по добиените инфромации од израелската тајна служба, Мосад, дека планирале терористички напад врз израелските фудбалери, одлучено беше истиот да се одригра на стадионот во Елбасан.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација