Празникот Водици масовно одбележан во Општина Илинден
Традиционално со осветување на водите на езерото на хотелот „Белви“, што го извршија свештениците од црквата „Свети Константин и Елена“, жителите на Општина Илинден масовно го одбележаа големиот христијански православен празник Богојавление – Водици.
По четврти пат најсреќен меѓу 60-ната верници, кој прв стигна до Богојавленскиот крст што беше положен во водите на езерото на хотелот „Белви“ беше 21-годишниот Марио Димитријевски.
На најрадосниот учесник, градоначалникот на Општина Илинден, Жика Стојановски, како и од претставници на јавните претпријатија, бизнисмени и граѓани му беа доделени повеќе подароци.
Студеното време и снегот не беа препрека голем број граѓани да присуствуваат на манифестацијата која по 9-ти пат ја организира Општина Илинден во сорабортка со свештениците од црквата „Свети Константин и Елена“.
Како што налага традицијата, како и во изминатите години Општина Илинден за присутните на манифестацијата обезбеди топли пијалоци, како и традиционалната пифтија.
Православниот празник Богојавление е поврзан со крштевањето на Исус Христос во водите на реката Јордан од страна на Свети Јован, кој оттогаш се нарекува Крстител. Овој празник се нарекува уште и Водици заради големиот водосвет што го извршува Црквата на овој ден.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата