Православниот Божик денеска го слават и египетските Копти
Православниот Божик денеска го слават и египетските Копти, народ со православна христијанска вера, а на полноќната служба во црквата Свети Марко во центарот на Каиро присуствуваше и претседателот Абдел Фатах ал Сиси, како прв египетски претседател кој доаѓа на божикна миса.
Оваа година службите во црквите се одвиваат со зајакнати мерки за безбедност поради можни напади на исламските екстремисти.
Полицијата, воочи службата на Бадник и Божик, само во Каиро детално пребара над 300 цркви за да открие евентуално подметнати бомби, изјави генералот на полицијата Гамал Халава.
Во близина на црквите ширум земјата поставени се контролни пунктови и привремено е забрането задржувањето на автомобили и мотоцикли.
Полицијата настојува да спречи „секој обид да се наруши прославата“, рече Халава.
Нападите на екстремистите се во пораст откако војската го смени од власт исламистичкиот претседател Мохамед Морси во 2013, а некои екстремисти на Синајскиот полуостров изразија лојалност на Исламска држава и презедоа одговорност за уривање на рускиот авион во кој минатата година загинаа 224 луѓе.
Египетските Копти силно ја поддржуваа смената на Морси, а христијаните сега се изложени на поголем ризик на јавни собири, а нивните куќи, компании и цркви се често изложени на напади.
Коптите сочинуваат десет отсто од 90 милиони жители во Египет и долго се жалат на дискриминација.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид