Правила за летен туризам во Бугарија: Без фен и клима уреди
Хотелите и рестораните во Бугарија веќе можат да пречекуваат гости согласно мерките и препораките дадени од Министерството за туризам. Покрај задолжителната засилена хигиена за секој гостин, сопствениците на сместувачките капацитети се должни на секој турист да му обезбедат санитарен сет, кој вклучува заштитна маска и заштитни ракавици.
Се препорачува да се избегнува употреба на фен за коса и автомати за пијалаци, како и клима уреди кои, доколку е можно, може да ги заменат за вентилатори. Храната мора да се сервира само на отворени простори – на хотелски тераси, почитувајќи ја мерката за оддалеченост.
Масите мора да бидат поставени на растојание од најмалку 1,5 метар и не смее да се дозволи собирање на повеќе луѓе во просторијата за јадење.
Воведени се посебни барања во однос на температурата на складирање и миење на користени садови. Организирање на забавни настани за деца е дозволено само на отворено со строго почитување на мерката за физичко растојание.
Спа центрите во хотелите засега остануваат затворени. Базените ќе работат повторно со строга почитување на пропишаните мерки.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас