Пратениците расправаа за закони од сферата на здравството, гласањето најавено за 9 март
Во попладневниот дел од 34-тата седница претениците дебатираа за девет закони од сферата на здравството.
Пратениците од опозицијата нагласија дека предлог законите се само усогласување со Законот за прекршоци од 2019 година и оти сето тоа би било во ред доколку земјава не се соочува со катастрофали последици од Ковид-19.
Според нив, наместо да се прават вакви усогласувања, досега министерот за здравство Венко Филипче и Владата требаше да набават вакцини.
Пратениците од мнозинството, пак, оценија дека секогаш кога е тема здравството опозицијата се обидува да собира политички поени.
Тие порачаа дека не е точно оти само земјава се соочува со проблеми во справувањето со пандемијата, бидејќи нив ги има во целиот свет, оценувајќи дека на опозицијата и пречи „кредибилитетот на министерот Филипче и Комисијата за заразни болести“.
Од дневниот ред од 68 точки, пратениците го завршија општиот претрес за околу 60 од нив, од кои најмногу во прво читање. Најголем дел од овие законски решенија се од сферата на финансиите, од сферата на Министерството за внатрешни работи, за здравство и земјоделство.
Дополнително ќе биде закажано продолжението на 34-тата седница, а како што во претпладневниот дел најави спикерот Талат Џафери, за законите ќе се гласа на 9 март.
Ново на Сител
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса