Познати сите учесници во главната фаза од фудбалската Лига на шампиони
Со одигрувањето на финалните реванш натпревари од 4. квалификациско коло во Лигата на шампионите, одредени се сите учесници во главната фаза на турнирот.
Дваесет и пет екипи добија автоматски влез врз основа на пласманот во националните првенства. Исто така, билети добија победниците во Лигата на шампионите и Лига Европа од минатата сезона, победниците од квалификациската рунда, а уште две позиции поради остварени резултати во европските купови на италијанските и германските екипи, добија Болоња и Борусија Дортмунd.
Во главната рунда од Лигата на шампионите ќе играат следните екипи: Арсенал, Астон Вила, Ливерпул, Манчестер сити (Англија), Атлетико Мадрид, Барселона, Жирона, Реал Мадрид (Шпанија), Баерн, Баер, Борусија, Лајпциг, Штутгарт (Германија), Аталанта, Болоња, Интер, Милан, Јувентус (Италија), Брест, Монако, Пари Сен Жермен, Лил (Франција), ПСВ, Феенорд (Холандија), Бенфика, Спортинг (Португалија), Бриж (Белгија), Селтик (Шкотска), Салцбург, Штурм (Австрија), Шахтјор (Украина), Спарта (Чешка), Јанг Бојс (Швајцарија), Динамо Загреб (Хрватска), Слован ( Словачка), Црвена ѕвезда (Србија).
Ждрепката ќе се одржи денес (18 часот) во Монако. Од сезоната 2024/25 Лигата на шампионите ќе има нов формат – швајцарски систем.
Ново на Сител
-
Сиљановска Давкова и Радев согласни дека е потребен дијалог
-
Влада: 250 милиони евра за проектите од општините, историски високи владини инвестиции
-
ЗКЛМ: Flightradar24 не е релевантна алатка, контролорите неосновано се осудени
-
Шпајх: Македонците со право се фрустрирани од ЕУ
-
Потврден случај на колера во Бугарија
-
Викендов дел од Европа ќе биде зафатена од невреме
-
Бајден: Не мислам многу на заканите од Путин, тој нема да победи во Украина
-
Променливо облачно со повремен локален дожд