Пожарот над Радовиш ставен под контрола
Пожарот над Радовиш е ставен под контрола, изјави вчеравечер градоначалникот на градот Ацо Ристов. Директорот на Центарот за управување со кризи Стојанче Ангелов соопшти дека локалните пожарникари ќе дежураат во текот на целата ноќ и нема да дозволат тој да се прошири.
-Пожарот во Радовиш е ставен под контрола. Граѓаните да бидат мирни и безбедни. Во текот на ноќта ќе дежураме и мислиме дека до сабајле ќе биде локализиран. Беше напорно, беше серизно, но со помош на сите луѓе вклучени во акцијата мислиме дека луѓето треба мирно и безбедни да си ја поминат ноќта, изјави градоначалникот на Радовиш Ристов.
Ристов и Ангелов се заедно на терен во радовишко.
Во изјавата за медиумите Ангелов кажа дека на асфалтираниот пат се распоредени локалните пожарникари кои нема да му дозволат на пожарот да го премине асфалтираниот пат.
-Условно кажано, пожарот е заокружен од сите страни. Горната страна од кај планината веќе имаме изгорен појас, така што ние сме големи оптимисти дека до утре претпладне пожарот ќе биде ставен под целосна контрола, рече Ангелов.
Ново на Сител
-
Европол: Уапсени над 400 лица во борбата против лажни лекови во 30 земји
-
Кошта: Членките на ЕУ и НАТО се подготвени да ги зголемат трошоците за одбрана на над два отсто од БДП
-
Општина Битола обезбеди финансиска поддршка за лица со ретки болести
-
Пакистанец ја убил својата ќерка тинејџерка поради видео на ТикТок
-
Таравари најави и други акции за откривање злоупотреби од здравствени работници, повика да бидат коректни
-
Ле Пен: Франција треба да го следи примерот на Трамп за депортациите
-
Студентите од Белград тргнаа на протестен марш кон Нови Сад
-
Тетово: Полицајци пукале во воздух откако 32-годишник удрил во полицаец па се дал во бегство