Повредениот во престрелката на Бит Пазар подлегнал на повредите
По денешната престрелка на Бит Пазар, Алајдин Сулејмани (30) од Арачиново им подлегнал на тешките повреди. Тој почина во операциона сала на Државната клиника во Скопје, пишува весникот „Коха“.
Со неколку куршуми бил погоден во глава, во граден кош и во други делови од телото од засега непознати лица
Полицијата истражува дали денешното пукање има поврзаност со физичка пресметка меѓу две групи што се случи пред две недели.
„Денес (25.04.2025) околу 14:00 часот во СВР Скопје било пријавено дека на улицата ‘Војдан Чернодрински’, во реонот на Бит Пазар, имало истрели од огнено оружје. На местото на настанот излегле полициски службеници од Полициската станица Бит Пазар, кои констатирале дека станува збор за вооружена пресметка, при што едно лице било тешко повредено и транспортирано во Ургентниот центар при Клиничкиот комплекс ‘Мајка Тереза’. На местото на настанот биле пронајдени повеќе чаури. Се преземаат мерки за расчистување на случајот“ – соопштија од МВР.
Ново на Сител
-
Претседателката Сиљановска-Давкова ќе се обрати на Форумот за културна дипломатија
-
Владина делегација предводена од Николоски во Лондон за договорот за стратешкото партнерство
-
Луѓе заробени на покриви откако поплави го погодија источниот брег на Австралија
-
Со дополнение на доказната постапка продолжува судењето за убиството на Вања и Панче
-
Се очекува предлогот за нов гувернер на Народната банка
-
Трамп откри повеќе детали за американскиот систем за воздушна одбрана „Златна купола“
-
Дводневно заседание на ЕП, на агендата Газа, ЦБАМ, руските енергенси и единствениот пазар
-
Претпладне сонце, попладне локален пороен дожд