Повредени двајца полицајци при претрес на осомничен нарко дилер
Скопјанец осомничен за производство и трговија на дрога нападнал и повредил полицајци кои се обиделе да извршат претрес во неговиот дом.
Како што соопшти МВР, вчера во 6:30 часот на улицата „Нов живот“ во Скопје во домот на З.И.(41), поради основано сомнение дека сторил кривично дело „неовластено производство и пуштање во промет на наркотични дроги, психотропни супстанции и прекурсори“ полициски службеници постапувајќи по наредба од Основниот Суд Скопје-1 требало да извршат престрес.
Откако го повикале да ја отвори заклучената влезна врата, З.И. излегол, им кажал да го почекаат да се облече, по што влегол внатре и се искачил на покривот каде почнал да вика и со погрдни зборови да ги навредува полициските службеници. Потоа почнал да вади салонитни табли од кровната конструкција и да ги фрла кон полицијаците, а потоа ја откорнал и антената од кровот и ја фрлил кон полицајците.
Дваесет минути подоцна по усна наредба полициските службеници се повлекле на безбедно место и побарале дополнителни екипи од единицата и од полициската станица во Чаир. Откако се повлекле, на улицата излегле неколку машки лица со вила, токмак и бекатонски цигли сакајќи да ги употребат против полицајците.
Во еден момент, М.К. замавнал со вилата при што удрил полициски службеник од единицата „алфи“ во левиот рачен зглоб, а потоа замавнал и кон друг полициски службеник, кој употребил блок и ударот со вилата завршил во левата потколеница по што М.К. ја фрлил вилата и избегал во непознат правец. С. К. го фрлил токмакот и е лишен од слобода заедно со М.С. и З. И.
Од страна на Итната медицинска помош укажана му била прва помош на еден полицаец од станицата во Чаир и е пренесен во Ургентениот Центар, каде му е констатирана тешка телесна повреда-фрактура, додека другиот полициски службеник се здобил со телесна повреда.
Се преземаат мерки за целосно расчистување на случајот.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје