Повредени четири лица во сообраќајки во Скопје

- На подрачјето на СВР Скопје во изминатото деноноќие се регистрирани четири сообраќајни несреќи во кои со лесни телесни повреди се здобиле четири лица. 

Сообраќајната полиција открила и санкционирала возачи по разни основи. Петнаесет ја пречекориле дозволената брзина, а 18 се исклучени од сообраќај, од кои двајца поради возење под дејство на алкохол пред да се стекнат со право на управување возило и четворица возачи почетници. 

Од сообраќај се исклучени и 13 возила, две технички неисправни, а 11 нерегистрирани. 

За непрописно паркирање се изречени мерки на 113 возачи, а пајакот подигнал 91 возило. 

Сообраќајната полиција регистрирала и шест возачи кои поминале на крстосница на црвено светло, еден не дал првенство на минување на пешаци, двајца неправилно се престроиле, а двајца не поседувале зимска опрема. 

Во рамки на сообраќајно воспитниот проект „Сообраќајна култура на децата во предучилишните установи” Одделението за превенција денеска ќе реализира едукативни работилници во градинката „Орце Николов“објект „Карпош IV“ во општина Карпош.