Поведена постапка за четворица малолетници кои претепале момче и му го одзеле телефонот
Јавен обвинител од Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка спрема четири децаво судир со законот на возраст меѓу 15 и 17 години, за кои постои сомнение дека извршиле дејствија предвидени како кривично дело – Разбојништво согласно член 237 став 4 во врска со став 1 од Кривичниот законик.
Сите четворица, на 12 февруари, во близина на детско игралиште во населбата Нерези, со употреба на сила одзеле мобилен телефон од дете родено 2007 година. Оштетениот го пресретнале кај игралиштето и го нападнале, удирајќи го со раце и нозе по главата и телото, нанесувајќи му повреди во вид на нагмечување на главата од кои оштетеното дете изгубило свест. Потоа му го одзеле телефонот од џебот на јакната и избегале. За овие четири деца во судир со законот, кои се повторници во вршење и на други кривични дела, по предлог на јавниот обвинител, Судот определи мерка притвор, оценувајќи дека се исполнети законските основи.
-Со оглед на чувствителноста на постапките во кои како сторители и оштетени се јавуваат малолетни лица и неопходноста од целосна заштита на нивниот идентитет во текот на постапките, Јавното обвинителство апелира до медиумите и до општата јавност за избегнување сензационализми и поголема одговорност при известувањето, коментирањето и споделувањето на содржини и информации кои се однесуваат на кривични дела сторени од деца, велат од ОЈО.
Ново на Сител
-
ОН: Невозможно е да се задоволат потребите на 1,2 милиони раселени Либанци
-
ОН: Невозможно е да се задоволат потребите на 1,2 милиони раселени Либанци
-
Руската армија тврди дека соборила 47 украински дронови
-
Ураганот „Кирк“ пристигнува во Европа
-
Димитриеска-Кочоска: Го официјализиравме првиот дел од Договорот за заем, почнавме разговори за вториот дел од 500 милиони евра
-
Во Реал убедени дека Винисиус ќе ја добие Златната топка
-
Вардар 1961 со победа стартуваше во Лига Европа
-
РК Еурофарм Пелистер против Спортинг за први бодови во лигата на шампионите