Потрошувачите во Хрватска повикани на неделен бојкот на малопродажните синџири и производи
Платформата „Ало инспекторе“ ги повика потрошувачите во Хрватска да се воздржат од секаква трговија в петок. За ден претходно – в четврток – тие повикаа на неделен бојкот на трговските синџири, Lidl, Eurospin и DM и три производи – Кока Кола и други газирани пијалоци, флаширана вода и детергенти за садови, јавија хрватските медиуми.
Советникот на платформата, Јосип Келемен, на прес-конференција ги повика потрошувачите в петок „да се воздржат од какво било купување“, што ја опфаќа целата трговија, бизнис со банки, телекомуникации, нарачки преку платформи за испорака.
Според него, бојкотот треба да опфати и воздржување од прекумерна потрошувачка во кафулињата, рестораните, патувањата, бензинските пумпи и дрогериите.
„Мораме да испратиме порака до оние кои се причина за оваа дивеење на цените. Сакаме да испратиме порака и до банките. Не одете во банките, избегнувајте доставувачи, тие се исто така дел од поскапувањето“ изјави Келемен.
Тој ги повика странските работници и пензионерите да одговорат на бојкотот.
Платформата повикува на целосен бојкот на три трговски синџири од четврток наутро до среда, 5 февруари навечер.
„За една недела, од четврток, се предлага бојкот на Кока Кола и други газирани пијалоци, вода и детергент за садови. Забележано е енормно зголемување на цената на тие артикли, рече тој.
„Ова не е напад на малопродажните синџири, туку на нивното раководство му кажуваме дека крајните цени се превисоки и неодржливи“, рече Келемен.
Тој ги повика вработените во продавниците да ја забават работата за време на протестните акции.
„Не сме против вас, вашиот статус и приходи“, им порача тој и ги повика потрошувачите да купуваат од ситните земјоделци.
Ново на Сител
-
Администрацијата на Трамп ја оспори наредбата на судијата на Врховниот суд за прераспределба на федералните вработени
-
Постојат докази дека Боре Видевски бил на работа кога се случиле убиствата на Панче и Вања, тврди неговиот бранител Бојан Манев
-
Уапсен 26 годишен скопјанец, со „ауди“ удрил во двајца малолетници на бул. “Партизански одреди”
-
Рекорден број мигранти го преминаа Ла Манш во обид да стигнат до Велика Британија во првото тримесечје од годинава
-
Љатифи Азизи: Во рок од две недели се очекува половина од пациентите кои се лекуваат во странство да се вратат во земјава
-
38-годишна социјална работничка ранета од огнено оружје од лице кое подолго време ја демнело
-
Од март 2012 година во Кочани нема инспектор за заштита од пожари на Дирекцијата за заштита и спасување
-
Приведени две лица, превезувале осум мигранти