Потпретседателот на „Иџипт Ер“: Пронајдовме делови од урнатиот авион

Потпретседателот на египетската авиокомпанија „Иџипт Ер“ Ахмед Адел, чиј авион исчезна од радарот над СредоземнотоМморе, изјави дека пронашле остатоци од леталото. 

- Пронајдовме остатоци од авионот, изјави Адел за Си-Ен-Ен.

- Има толку многу причини поради кои авионот може да се урне. Засега немаме објаснување зошто се случило тоа. Потребно е да продолжиме со истрагата, објасни Адел. 

Египетските власти сметаат дека авионот на компанијата „Иџипт Ер“, кој исчезна доцна синоќа, со 66 патници и членови на екипажот, не е соборен од бомба, туку дека станува збор за технички проблем.