Пораз на ракометарките на Македонија од Шведска

Женската ракометна репрезентација на Македонија со пораз ги почна квалификациите за Европското првенство 2018 во Франција. На гостувањето во Лунд, нашата селекција загуби од Шведска со 38:26. На полувреме противникот водеше 18:13. Македонија водство од 2:0 имаше само на почетокот на дуелот, а потоа фаворитот во групата за првото место ја потврди својата улога. 

Елена Ѓеорѓиевска со 9 голови беше најефикасна, Сара Ристовска постигна 6, Душица Ѓеорѓиевска  постигна 3, Гакидова, Керамитчиева и Саздовска по 2, а Ливриниќ и Десподовска по 1. Кај Шведска Натали Хагман (8) и Луис Сенд (6) постигнаа заедно 14. голови.

На вториот дуел од групата 3 Србија ја победи селекцијата на Фарски острови со 36:20.

Во недела се игра второто коло, а Македонија е домаќин на Србија. Дуелот почнува во 19 часот и се игра во СРЦ Кале.