Поранешниот телохранител на Макрон користел дипломатски пасош
Француските медиуми ја оквалификуваа како „скандал“ информацијата дека поранешниот телохранител на претседателот Емануел Макрон – Александар Бенала користел дипломатски пасош при деловни посети на Африка.
Француското Министерство за надворешни работи соопшти дека истражува какви правни чекори да преземат доколку се докаже дека Бенала продолжил да го користи дипломатскиот пасош, откако во септември пред француските сенатори изјави дека го оставил во Елисејската палата.
Претходно оваа недела се појавија и други прашања околу неговата личност, откако се дозна дека на почетокот на месецот патувал во Чад и наводно се сретнал со претседателот на таа држава Идрис Деби, само неколку недели пред посетата на Макрон.
Во средата Елисејската палата негираше дека Бенала и натаму е поврзан на каков и да е начин со канцеларијата на претседателот.
„Што и да прави господин Бенала, тој не е ниту официјален ниту неофицијален пратеник на претседателот. Ако сам се преставува за таков, греши, се наведуива во соопштението од Кабинетот на претседателот..
Бенала рече дека бил во деловна посета и оти е „шокиран и скандализиран” од објавите во медиумите.
Во јули тој беше отпуштен од страна на претседателот, откако се појави видео снимка на која носи полициски шлем и, како што изгледа, напаѓа човек за време на протест на 1 мај.
Ново на Сител
-
Шолц и Зеленски се согласија дека Трамп е клучен фактор во мировните преговори
-
Дуда: Се надевам дека Трамп ќе биде остар и со Путин, а не само со Зеленски
-
Кривична пријава против полициски службеник за примање поткуп
-
Мицотакис: Граѓаните преку големите протести побараа вистина и правда, но и Грција да се издигне уште повисоко
-
Палчо приложил уплатница од банка од денот на убиството на Вања - Обвинителството не ја прифатило како доказ
-
Предистражна постапка против поранешниот директор Сашо Данго
-
Макрон, Зеленски и Стармер заедно ќе отпатуваат за Вашингтон
-
Опозицијата во српскиот парламент ја бојкотира денешната седница по вчерашниот инцидент со димни бомби