Поранешниот пакистански премиер Кан од затвор прогласи победа на изборите
Поранешниот пакистански премиер Имран Кан денеска од затвор прогласи победа на општите избори во земјата, преку аудио-визуелна порака направена со помош на вештачка интелигенција.
Во пораката објавена на X, Кан го отфрли тврдењето на неговиот ривал, поранешниот премиер Наваз Шариф, за победата на неговата партија ПМЛ.
Кан ги повика своите приврзаници да ја прослават постигнатата победа, и покрај, како што вели, пресметката со неговата партија.
Независните кандидати поддржани од Кан освоија најмногу гласови на вчерашните избори, и покрај тоа што тој беше во затвор и неговата партија беше забранета на гласачките ливчиња.
Претходно денеска Шариф објави дека неговата партија Пакистанската муслиманска лига победила на парламентарните избори во земјата, но не откри колку пратенички места освоила.
Резултатите што ги објави изборната комисија покажуваат дека ПМЛ освоила 42 пратенички места, што е многу помалку од потребните 133 за да се добие правото за формирање влада.
Кан (71) е осуден на 10 години затвор за оддавање државни тајни и на 14 години затвор заедно со неговата сопруга за корупција, односно нелегална продажба на државни подароци.
Тој се уште се соочува со околу 170 обвиненија во различни случаи, велат неговите адвокати.
Ново на Сител
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор