Поплочени пет улици во гостиварската населба Млаки
Во гостиварската населба Млаки денеска беше одбележано завршувањето на работите на поплочување на пет улици. Градоначалникот Невзат Бејта рече дека на вакво уредување жителите чекале речиси четири децении откако ги изградиле домовите во овој дел од градот.
- Тоа беше барање на жителите на населбата, а бидејќи Млаки е значаен дел на градот, обезбедивме потребни финансиски средства за уредување на овие улици. Станува збор за вкупна површина од 1.500 квадратни метри, а вредноста на инвестицијата е над 22 илјади евра, рече меѓу другото Бејта.
Тој потенцираше дека со овој проект на локалната власт создадени се подобри услови за жителите на населбата, особено за децата кои одат на училиште.
Жителите изразија благодарност и потсетија дека минатата година во оваа населба беше поставено јавно осветлување и се замени водоводната и канализациската мрежа на главната улица.
Ново на Сител
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите
-
Средба Гаши - Лудва: За Чешка од посебно значење е интегрирањето на земјите од Западен Балкан
-
Кривична пријава за „предизвикување општа опасност“ против полициски служеник во Струмица