Поплавите предизвикаа хаос во Романија, има загинати
Поројните дождови во изминатите 24 часа предизвикаа поплави на 36 локации во 15 романски области. Според последните информации, две лица загинале.
Службата за вонредни ситуации (ИГСУ) денеска соопшти дека противпожарски и спасувачки служби се обидуваат да евакуираат десетици туристи кои се блокирани од надојдената вода.
Погодените области од невремето се Алба, Аргеш, Ботосани, Брашов, Клуж, Караш-Северин-Ковасна, Дамбовита, Хунедоара, Неамт, Олт, Прахова, Сибиу, Тулчеа и Темис, објави Аџерпрес.
– Ја испумпавме водата од 19 куќи, 56 дворови и 70 подруми. Нашите колеги отстранија и 13 дрвја кои паднаа на патиштата и оштетија три автомобили, наведува ИГСУ.
Според истиот извор, 20 лица сместени во хостели во Аргеш се изолирани поради поплавите.
– Во кампот Заноага во областа Дамбовита, поради поплавите во текот на ноќта, 25 лица беа блокирани во автомобили или приколки. Водата се повлече и на луѓето им беше дозволено да ги напуштат локациите. Пожарникарите интервенираа и во Бустени, каде се евакуирани осум лица, соопшти ИГСУ.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово