Полицискиот час во Албанија од утре се намалува за два часа
Техничкиот комитет на експерти за справување со пандемијата со ковид-19, донесе неколку олеснителни мерки, меѓу кои и намалување на времетраењето на полицскиот час за два часа.
Министерката за здравство и социјална заштита Огерта Манастирлиу, која е член на комитетот, објавувајќи ја одлуката за олеснување на некои мерки во земјата, рече дека тоа е поради стабилизирањето на епидемиолошката состојба и напредокот во процесот на вакцинација.
-При проценка на состојбата во последните 6 недели, Комитетот на експерти донесе одлука ограниченото движење да трае од 22:00 до шест часот. Исто така, имајќи го предвид значителното подобрување на состојбата во Обединетото кралство, земја пример со имунизација, одлучивме повторно отворање на летовите со оваа земја, изјави Манастирлиу.
Настава во сите нивоа на образование, освен за матурантите продолжува онлајн.
Истакнувајќи дека олеснувањето доаѓа како резултат на многу подобрената епидемиолошка состојба и поради светиот месец Рамазан, Манастирлиу апелираше до граѓаните да продолжат со строгото почитување на анти-ковид мерките.
-Процесот на имунизација продолжува според утврдениот план. Во тек е вакцинацијата на лицата над 65 години, а в понеделник почнуваме со хронично болицата над 60 години, кои се пријавени а и сеуште може да се пријават кај нивните матични лекари. До сега вкупно се вакцинирани 256.848 лица, од нив 182.669 стари лица, рече таа.
Одлуката на Комитетот на експерти стапува во сила утре (12 април) и се однесува за следните две недели.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок