Подрачното основно училиште во Хром почна со работа
Подрачното општинско основно училиште „Димитар Поп Георгиев Беровски“ во населбата Хром, во општина Ѓорче Петров, денеска и официјално почна со работа. Училиштето во изминатите 14 месеци беше целосно реконструирано, доградено, опремено и оспособено во него да се одвива настава за учениците од прво до петто одделение.
На првиот училишен час присуствуваа градоначалникот Сокол Митровски, преставници од општината и Советот на општината Ѓорче Петров кои ги поздравија учениците и им посака успешна училишна година во новите простории на училиштето.
Новото училиште, како што истакна градоначалникот Митровски, ќе им овозможи многу подобри услови за настава на учениците, а потребата да се изгради, како што рече, беше неминовна за жителите на населбата Хром.
- Изградбата на училиштето е резултат на напорната, посветена и континуирана работа на Министерството за образование и наука и општина Ѓорче Петров. Новиот објект на подрачното училиште во Хром е комплетно завршен и опремен, порача градоначалникот Митровски.
Ново на Сител
-
Извештајот на Вајц утре пред европратениците, Скопје очекува силна порака за македонскиот идентитет и јазик
-
Исплатени над 9 милијарди денари за земјоделците
-
Американските демократи со критики за Трамп: Со наредбата за напад врз Иран го прекрши Уставот на САД
-
Седници на седум собраниски комисии
-
Нетанјаху: Израел е блиску до остварување на своите цели во Иран
-
Отчет за сработеното во првата година на Владата
-
Трамп: Доколку режимот не може повторно да го направи Иран голем, зошто да не биде сменет
-
Сончево и топло, следува период на значителен пораст на температурите