Подароци за жените учеснички во сообраќајот по повод 8 Март
Полициските службеници при СВР Тетово денеска на 50-тина жени учеснички во сообраќајот при вршење контрола им доделија подароци во пресрет на утрешниот Меѓународен ден на жената – 8 Март.
Заедничките активности под мотото „Жените возат одговорно“ по повод празникот претставуваат соработка на Републичкиот совет за безбедност на сообраќајот на патиштата и Отсекот за превенција на СВР Тетово.
-Заедничките активности беа реализирани на градските плоштади во Тетово и Гостивар. На учесничките во сообраќајот им беа врачени пригодни празнични подароци, цвеќе, маски за лице, миризливи освежувачи за возила во знак на почит и благодарност за нивниот придонес во напорите за поголема безбедност на сообраќајот на тетовско-гостиварското подрачје, информира портпаролот на СВР Тетово, Марјан Јосифоски.
Активностите се дел од планираните превентивно-едукативни проекти на СВР Тетово и ќе се реализираат во првата половина од оваа година.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи