Почнува Вевчанскиот карневал
Вевчани викендов ќе биде театар на отворено со изобилство од креативност и импровизација и центар на сатирата за настаните што ја одбележаа минатата година.
Вевчанскиот карневал, со кој се слави доаѓањето на новата година по стариот календар, почнува денеска. Во 13 часот е дефилето на маски, а вечер, во пресрет на Василица и пречекот на православната Нова година, Чалгија саунд систем, Џамбо Агушев оркестар и Блага Петреска ќе ги забавуваат василичарите и гостите на Вевчани.
Кулминацијата на настанот е утре сретсело со василичарско оро на околу илјада маски. Карневалот ќе заврши попладнето со традиционалното палење на маските.
Вевчанскиот карневал е стар 1400 години и негува специфични обичаи. Зетот и Невестата се главните ликови-маски кои се задолжени ноќта меѓу 13-ти и 14 јануари да ги посетат сите, околу 700 куќи на Вевчани, за да соберат пари (т.е. маста) што се наменети за донации. Маските се чуваат во најголема тајност и никогаш не се повторуваат на некое следно карневалско издание.
Овој уникатен и единствен настан, на кој учесниците ја имаат сета слобода да критикуваат и иронизираат, секоја година привлекува по околу 10 000 гости. Годинава празникот Василица е во недела, па организаторите очекуваат голема посетеност од викенд гости.
Ново на Сител
-
Кремљ: Вежбите на НАТО во Балтикот се подготовка на алијансата за можен воен конфликт со Русија
-
Бугарија се надева на зелено светло од Европската комисија за воведување на еврото
-
Влада: Промените се очигледни, растот на БДП од 3,4 отсто ја стави Македонија во иста група со богатите држави Ирска, Данска и Полска
-
Промоција на поштенска марка за 80 години од кодификацијата на македонскиот стандарден јазик
-
Трамп ги удвои царините за железо и челик
-
Амбасадорот на ЕУ Михалис Рокас во Преспа ќе го посети природниот парк Езерани
-
АФЕТ ќе гласа за усвојување на Извештајот на Вајц за земјава
-
Зеленски ја предупреди Европа за планови на Русија во Белорусија