Почнува судењето на обвинетите за тероризам на денот на парламентарни избори во Црна Гора
Во Подгорица денеска почнува судењето на обвинетите за обидот за тероризам на денот на парламентарните избори во Црна Гора, на 16 октомври минатата година, а Врховниот суд овозможи директен телевизиски пренос од оваа постапка, јави Танјуг.
Кабинетот на претседателката на Врховниот суд, Весна Меденица, соопшти дека ќе се обезбеди јавност на постапката против обвинетите заради кривичниот дел создавање криминална организација и кривичниот дел тероризам во обид.
Ваквата одлука претседателката на Врховниот суд на Црна Гора ја донела ценејќи ја неопходноста главните претреси во овој предмет да бидат следени со аудио-визуелно снимање во текот на целата постапка, а имајќи предвид дека кривично-правниот случај се однесува на настан за кој се води постапка против повеќе лица, со цел заштита на најважните општествени вредности, и тоа уставното уредување и безбедноста на Црна Гора и добрата, заштитени со меѓународното право, а кои го покрена највисокиот степен на интерес на јавноста.
Одлуката е донесена со почитување на принципот на правото на правично судење и гаранција за јавност на судските постапки.
Судењето ќе трае и на 20 и на 21 јули.
За обид за тероризам се обвинети лидерите на Демократскиот фронт, Андрија Мандиќ и Милан Кнежевиќ.
Освен нив, на обвинителниот акт на Специјалното државно обвинителство се и руските државјани Едвард Шишмаков, Владимир Попов, возачот на Мандиќ, Михаило Чаѓеновиќ и девет српски државјани, меѓу кои е и поранешниот шеф на српската Жандармерија, Братислав Дикиќ.
Ново на Сител
-
Пожари во Гевгелија и штипско Караорман
-
Приватните превозници во јавниот градски превоз во Скопје возат само до 10 часот
-
Именување на генерален секретар на Собранието и барања за апанажа од поранешни министри на Комисијата за прашања на изборите и именувањата
-
Изречени 117 санкционирани возачи во Скопје
-
Бајден: Во претседателската трка сум до крајот, не се откажувам
-
Французите протестираа против десницата
-
Ураганот Берил ја погоди Јамајка и ослабен се упати кон Мексико | ВИДЕО
-
Променливо облачно, во западните и крајните источни делови со локален дожд