Почнува асфалтирањето на втората фаза од штипската обиколница
Почнува асфалтирањето на втората фаза од обиколницата на булеварот „Гоце Делчев“ во Штип. Трајче Стојчевски вработен во кабинетот на градоначалникот на Општина Штип информираше дека градежната компанија, која работи на изградба на втората фаза токму од денеска почнува со асфалтирање на улицата од фабриката за чевли „Баргала“ до поранешна „Алумина“, а во сабота веќе ќе се асфалтира и новиот голем кружен тек на булеварот „Гоце Делчев“.
Тој апелира внимателно да се вози по булеварот, кој е влез и излез на градот Штип, со оглед на градежната механизација, која работи на обиколницата.
Втората фаза од оваа обиколница чини 10.500.000 денари, а ќе овозможи и поврзување на индустриските зони со населбите „Автокоманда“, „ 8 Ноември“, „Баби“, „Дузлак“ и „Сењак“. Новиот кружен тек, ќе го забави сообраќајот за поголема безбедноста на учениците, студентите и работниците во околните фабрики. Но, се уште комплетно не е завршена првата фаза од обиколница, која почнува од стариот диспанзер и се протега до „Баргала“.
Фирмата „Актива“, која треба да го постави новиот мост на реката Брегалница се уште работи на изработка на железниот мост, а на улицата треба да се постави и уште еден слој асфалт.
МИА веќе информираше дека новата обиколница со првата и втората фаза чини еден милион евра, а ќе има за цел да се реши сообраќајниот хаос на влезот и излезот од Штип, односно на булеварот „Гоце Делчев“, кој што е главната сообраќајна артерија кон индустриските зони, факултетите и Средното електро-машинско училиште „Коле Нехтенин“.
Ново на Сител
-
Трамп: Ќе се случи нешто во Украина, работите ќе се средат
-
Андоновски: Имаме капацитет за спроведување дигитален попис, во 2026-та ако бидеме подготвени
-
Скопје денеска со третата највисока температура во Европа – 41,7°C
-
Орбан: Да бараме од нашите семејства да плаќаат 3,5 пати повеќе за гас? Тоа не е лидерство, туку економско самоубиство
-
Путин: Русија ќе ги намали воените трошоци и е отворена за преговори со Украина
-
Рекордни температури и пожари на Балканот, се очекува разладување за викендот
-
Вицепремиерот Николоски учествува на Форум за министри за транспорт во Истанбул
-
Сиљановска-Давкова ги прими припадничките на Армијата кои успешно ја завршија обуката во САД