Почнаа градежните активности за нов водовод во општина Чешиново-Облешево
По потпишувањето на договорот со Комуналното-јавно претпријатие „Водовод“ од Кочани, кој ќе ја снабдува општината Чешиново-Облешево со вода за пиење, почнаа градежните активности за изградба на водоводна мрежа во Облешево.
- Средствата за реализација на овој проект се обезбедени преку Министерството за финансии како под заем во рамки на Проектот за подобрување на општинските услуги (MSIP). Средствата кои општината ќе ги вложи за овој проект се 19.814.506 денари, истакна градоначалникот Костадин Личков.
Со средствата од Проектот, како што рече, ќе биде изграден главниот крак на водоводната мрежа во должина од 3.204,28 метри со сите потребни придружни објекти, водоводни шахти и хидрантски приклучоци кој се протега од приклучната шахта кај село Долни Подлог, ќе минува низ село Облешево, па се до приклучната шахта кај село Чифлик од каде преку веќе изградениот систем за водоснабдување вода за пиење треба да добиваат и жителите на село Чифлик и село Чешиново.
Тој истакна дека водата за пиење ќе се обезбеди преку водоснабдителниот систем на Кочани, која претходно е третирана во постојната фабрика за водовод Кочани, за кое беше склучен договор со општина Кочани и Комуналното претпријатие „Водовод“ од Кочани.
Со реализација на овој проект граѓаните од Чешиново-Облешево ќе добијат чиста вода за пиење, хемиски и бактериолошки исправна.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари