Почина поранешниот француски претседател Валери Жискар Дестен

Почина поранешниот француски претседател Валери Жискар Дестен, пренесуваат француските медиуми. Како што се наведува тој починал поради компликации поврзани со Ковид-19.

Жискар, кој имаше 94 години и беше лидер на Франција од 1974 до 1981 година, неодамна беше хоспитализиран во Турс, во западна Франција.

Тој беше познат по тоа што управуваше со модернизација на француското општество за време на неговото претседателствување, вклучително и дозволување развод со заедничка согласност и легализирање на абортусот, и беше еден од архитектите на европската интеграција.