Почина ортопедот д-р Глигор Џолев
Со длабока тага и неизмерна болка ја споделуваме веста за заминувањето на нашиот сакан д-р Глигор Џолев, истакнат ортопед, посветен татко, дедо и сопруг.
Професор д-р Џолев е роден 20.07.1944 година во Струмица и целиот свој живот го посвети на медицината, несебично помагајќи им на своите пациенти со стручност, човечност и искрена грижа. Од 1972 година до 2009 година работеше, и своевремено бил Директор, на Ортопедската клиника во Скопје, како и редовен Професор на Медицинскиот факултет при Универзитетот „Свети Кирил и Методиј“.
Покрај својата кариера, проф. д-р Џолев беше столбот на своето семејство – посветен сопруг, грижлив татко и горд дедо, како и пријател на голем број Скопјани. Со својата мудрост, добрина и благородност остави неизбришлива трага во животите на најблиските.
Неговото заминување е огромна загуба, но спомените за неговото дело и љубовта што ја ширеше ќе живеат вечно. Заради сето тоа, како семејство ги информираме сите негови познаници дека на 15.03.2025 година во 11:00 часот на гробиштата Бутел, д – р Џолев ќе биде испратен во вечното почивалиште.
Со последна почит, од семејството.
Ново на Сител
-
Мирен собир во Струмица
-
Мирен собир на Градскиот плоштад во Скопје
-
Мирен собир во Кочани
-
Инспекцијата влезе во Општина Кочани, расте бројот на притворени
-
Тошковски ги разреши началниците од Штип и Кочани
-
Склад за гориво пронајден во непосредна близина на дискотеката
-
Мицкоски: Ќе одговара секој кој има вина
-
Релативно стабилна е состојбата на пациентите од Кочани хоспитализирани во клиниките во Скопје