По осми пат Ѓурговденска литија низ улиците на Струга
Неколку илјади граѓани, православни верници од Струга, Охрид, соседните градови и цела Македонија денеска по осми пат излегоа на Ѓурѓовденската литија низ централните улици на Струга и им се поклонија на моштите и на светата икона на Свети Георгиј Победоносец.
Свечената Ѓурѓовденската литија, што е дел од културното наследство на Република Македонија ја предводеше полициско возило, со што на симболичен начин беше оддавање чест кон светецот Георгиј како покровител на полициските сили.
Потоа на Литијата продефилираа редарот на коњ како најавувачот на процесијата, кој носеше палмино гранче во рацете како симбол на мирот.
Самата Литија ја предводи член од Бигорското братство, а по него следуваат носачи на крстови, рипиди, знамиња, псалтите и братството на Бигорскиот манастир, оркестарот на град Скопје, чудотворната икона на „Св. Георгиј Победоносец“, сестринствата од манастирите во Рајчица и Пречиста, свештенството на Дебарско-кичевската епархија, митрополитот Тимотеј.
Најголемата светиња – моштите на Светецот во раскошно украсен епитаф ги носеа самите православни верници, придружувани и од четворица таканаречени сердари односно чувари на моштите на Св. Георгиј.
Ново на Сител
-
Литванија: НАТО треба да ги соборува руските дронови над Балтикот
-
Сончево со умерен ветер
-
Поранешниот потпретседател на Европскиот парламент е уапсен во трговската афера со дипломи во Полска
-
Собранието не го прифати Предлог законот за изменување и дополнување на Законот за игри на среќа и забавни игри, во прво читање
-
Пробиштип: Со возилото намерно удрила сограѓанин - Кривична за 41 годишна жена
-
Спречени три терористички напади за време на ОИ и ПОИ во Париз
-
Другар му го погодил со воздушен пиштол - Дете заврши на скопските клиники
-
Тетовчанец се заканувал на новинарка - Полицијата го приведе