По хаосот што го создаде во Куба, ураганот Јан ѝ се приближува на Флорида
Жители на Флорида од брегот на Мексиканскиот залив ги напуштаат своите домови поради доаѓањето на ураганот Јан, пишуваат дел од светските медиуми. Ураганот се очекува ноќеска, со силни ветрови од 200 километри на час и обилни врнежи дожд.
Над 2,5 милиони жители на Флорида добија предупредување или наредба за евакуација. Националниот центар за урагани проценува дека Јан, најверојатно, ќе стигне до брегот јужно од Тампа, близу Сарасота, каде песочните плажи и бројните одмаралишта се омилени места на голем број пензионери и туристи.
Бурата од трета категорија веќе ја погоди Куба и го присили населението на масовна евакуација. Куба остана целосно без струја, откако Јан го погоди западниот дел на островот. Во мрак останаа околу 11 милиони луѓе, информираше Владата.
Во невремето загинаа две лица, десетици илјади луѓе беа евакуирани и оштетени се бројни згради низ целата земја.
Ново на Сител
-
Екстрадиран Љупчо Палевски Палчо, пренесен во Истражниот затвор во Шутка
-
Претставници на Западен Балкан, ЕУ и САД во Котор ќе разговараат за планот за раст на регионот
-
Премиерот Фицо е во свесна состојба
-
Заседание на Воениот комитет на НАТО на ниво на началници на генералштабови
-
Втор ден Самит „Македонија 2025“ со панели за справување со корупцијата, странски инвестиции, дигитализација
-
Во Србија уапсен човек поради закани кон претседателот на државата
-
Состојба на патиштата
-
Облачно со повремен дожд и ретки грмежи