По апелот на Карчовски родителите на учениците од ОУ ,,Димитар Македонски” излегоа на протест

Пред две недели на својот Фејсбук профил Јован Карчовски објави слики со ужасна глетка од училиштето Димитар Македонски во Лисиче.

Вчера родителите на учениците од основното училиште ,,Димитар Македонски” по неговиот апел, излегоа на мирен протест и го изразија своето незадоволство поради тоа што учениците не можат да почнат настава со физичко присуство како и сите други основни и средни училишта.

Причината за тоа што учениците немаат физичка настава е тоа што училиштето се гради четири години и сеуште не е завршено.

„Лисичани и Јован Карчовски оп, Златко Марин скок!
Многу ми е драго што некои од моите постови со кои ја критикувам неработата и јавашлукот на градоначаникот Златко Марин наидоа на “разбирање” од страна на градоначалникот и некои проблеми дури и се решија. Да, знам дека сето ова е под пристисок на предизборната кампања, знам дека Марин ја пее својата лебедова песна, но сепак ова покажува дека граѓанскиот притисок може да донесе успех, дури и кај најмрзливите градоначаници. Ова е училиштето Димитар Македонски во Лисиче. Под силен притисок на родителите, ветено им е дека ќе биде пуштено на 1-ви септември. Но даските на кровот стојат така веќе три недели и ништо не се работи. Ајде Марине, стегни заби и доврши им го училиштето за децата од 1-ви септември да можат да тргнат на училиште. Ајде Марине, обели малку образ на крајот. А од октомври ќе има и нови училишта, и нови градинки, и нема да има кафеани во училишните дворови. Ќе има поубав Аеродром и Лисиче“, напиша Карчовски на ФБ.