По 50 години почна реконструкцијата на салата „Работнички“

Општина центар стартуваше со целосна реконструкција на салата Работнички  која со децении е запуштена и без основни услови за тренинзи и натпревари. Градоначалникот Герасимовски вели дека со градежни активности е почнато веднаш откако општината ги добила надлежностите врз објектот, а крајната цел е Центар да го врати достоинството на домот на македонската кошарка.