Балкан
5. September 2016 - 19:20

Пленковиќ: Политиката на ХДЗ нема да биде безобзирна кон другите народи

Лидерот на ХДЗ, Андреј Пленковиќ, денеска изјави дека политиката на неговата партија, по изборите, нема да биде безобзирна кон другите народи, туку одговорна и рационална.

-Мојата политика е одговорна, ќе биде стабилна, рационална и нема да биде безобзирна кон другите народи, рече Пленковиќ во Чаковец.

„Таа ќе биде насочена кон тоа Република Хрвстска да ги реши сите прашања од времето на големосрспската агресија врз нашата територија, и токму затоа Владата на ХДЗ, за разлика од онаа на Кукурику коалицијата, се залагаше за јасни критериуми во Поглавјето 23“.

Пленковиќ порача дека ХДЗ ќе спроведува одговорна и јасна политика.

Запрашан за случајот со апсењето на хрватскиот шпион Чедо Чоловиќ, Пленковиќ изјави дека „ ХДЗ е партија која јасно води политика на заштита на хрватските државјани и бранители, а целата приказна од последните неколку дена е исфабрикувана и пуштена во медиумите за дополнително да се креира атмосфера на кревање тензии“.