Пленковиќ: Меѓувладина конференција ЕУ – Македонија до крајот на годинава
Хрватска црврсто ја поддржува Македонија како држава – кандидатка за членство во ЕУ и очекува до крајот на годината да се одржи Меѓувладината конференција заради отворање на преговорите, рече хрватскиот премиер Андреј Пленковиќ на денешната средба со министерот за надворешни работи, Бујар Османи во Загреб.
Според Пленковиќ, Хрватска е подготвена да продолжи да и помага на земјава во реформите и исполнувањето на потребните услови за членство во Унијата.
-Хрватска црврсто ја поддржува Македонија како држава – кандидатка за членство во ЕУ и очекува дека брзо ќе почне процесот за отворање на преговорите. Хрватска очекува дека до крајот на годината, за време на германското претседателство со ЕУ, ќе биде свикана Меѓувладината конференција заради отворање на преговорите, истакна Пленковиќ.
Хрватскиот премиер изрази задоволство од Извештајот на ЕК објавен во почетокот на месецов во кој се нотира дека земјава остварила стабилен напредок.
На средбата Пленковиќ – Османи е констатирана и добрата економска соработка меѓу двете земји при пто е најавено дека наскоро ќе се одржи деловен форум за дополнително да се поттикнат економските односи.
Шефот на македонската дипломатија денеска, рамки на работната посета на Република Хрватска, се сретна и со својот колега, министерот за надворешни работи на Хрватска, Горан Грлиќ Радман.
Посетата на Хрватска следи по Словенија, каде Османи вчера имаше средби со државното раководство од кое, исто така доби силна поддршка за македонскиот евроинтеграциски процес. И Словенија испрати јасна порака за одржување на Мешувладината конференција до крајот на годината.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри