Платен убиец ги откри тајните на занаетот: Како правам луѓето да исчезнат?
Овој 29-годишен маж досега убил 30 луѓе за 9 години, во главно на подрачјето на Коста Гранде во Гереро во Мексико. Тврди дека никогаш не зажалил за тоа што го работи - всушност смета дека работи за општото добро.
"Често вашето соседство или град сакаат да го преземат луѓе кои ќе ве загрозат вас и вашето семејство. И тогаш треба да реагирате бидејќи властите нема да ви помогнат", рекол убиецот во разговорот за AP.
Објаснил дека "елиминацијата" на таквите луѓе почнува со снимање на метите и киднапирање, и тоа обично во утринските часови кога сите спијат. Потоа жртвата се носи во сигурна куќа или шума каде никој не може да го слушне тоа што следи, а тоа е мачење со електро шокови. Целта на мачењето е да се добие информација, а во 99 проценти од случаите се добива, рекол тој. Потоа, жртвата повеќе не е потребна - следи убиство и закопување на телото на тајни места или фрлање во океан.
Мексиканските власти објавиле во вторникот дека откриле 19 тела во масовна гробница во Гереро, но убиецот со кој разговарале новинарите на AP тврди дека ниту една од неговите жртви никогаш не била откриена. Убиецот инаку се занимава со одгледување на стока, а интервјуто било одржано под негови услови: Неговиот идентитет и името на картелот за кој работи не биле откриени, носел маска, а еден од неговите шефови бил присутен.
Платениот убиец рекол и дека има некои стандарди - никогаш не убил жена или дете, и ниту една од неговите жртви не морала сама да го копа својот гроб. Но, признава дека можеби три пати убил погрешна личност. Не е оженет и нема деца.
"Не можете да ја работите оваа работа и да имате планови за иднината, бидејќи не знаете што ќе биде утре. Не е тоа баш некој убав живот", се пожалил платениот убиец.
Од 2007. година во Мексико се пријавени исчезнувања на 26.000 луѓе, од кои неколку илјади на подрачјето на Гереро, пренесува Sky News.
Ново на Сител
-
Сончево и топло со мала локална облачност
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци