Планинарите од Делчево и Берово ги искачија Петлец и Кадиица

Во два одделни планинарски маршеви, денеска планинари од Делчево и Берово ги искачија врвовите Петлец кај село Русиново и Кадиица кај Пехчево. Првиот планинарски марш до врвот Петлец, како што информираше претседателот на ПСК „Голак“ од Делчево се реализирал на барање на планинари од Бугарија.

– За планинарскиот марш до врвот Петлец имавме гости од Бугарија кои по лична иницијатива сакаа да се искачат до овој врв. Маршот до Петлец се одвиваше со почетна точка од сло Русиново со спомен плочата каде загинал македонскиот револуционер Даме Груев, по што се вративме назад во Русиново. Временските услови беа доста поволни и сите планинари без проблем ја реализираа планинарската маршрута, рече Чучуковски.

Во рамки на вториот марш до врвот Кадиица, учествувале 20 планинари, членови на Планинарскиот спортски клуб  „Сосна“ од Берово, кои планинарската маршрута ја реализирале без посериозни потешкотии.