-->
-->
Пијанец и Малешевијата под снег
-->
Делчевци утрово се разбудија под снежна покривка, прва за 2020 година. Снегот е најизразен на повисоките места, а најмногу наврна на планината Голак. Како што информираат вработените во ЈП „Македонски шуми” подружница Голак – Делчево, кои вршат обиколка на теренот, снежната покривка изнесува 20 сантиметри.
-Поради тоа што на Голак и минатата недела падна снег, снежната покривка е поголема и изнесува од 15 до 20 сантиметри. Теренот е тешко прооден и затоа сакаме да ги информираме граѓаните кои немаат добри зимски гуми да не ризикуваат за искачување, бидејќи од третиот километар до Голак патот е непрооден, информира делчевската подружница.
Од „Македонија пат” која е одговорна за одржување на овој патен правец соопштија дека од утрово се расчистени главните патни правци на кои има снежни наноси, меѓу нив и патот до граничен премин Делчево.
-Патот Делчево – Голак е помалку фреквентен во работна недела и затоа приоритет ни беа останатите поважни патишта каде има поголема концентрација на возила. По целосното нивно расчистување ќе продолжиме со работа и на останатите делници под наша надлежност, меѓу кој и патниот правец до Голак, информираат од „Македонија пат”.
Освен во Делчево, утрово снежна покривка има и во Пехчево и Берово. Таму, како што информираат надлежните, снег има на повисоките места, додека по градските сообраќајници снегот не се задржува.
-->
-->
-->
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница