Пезешкијан: САД мора да сфатат дека Техеран нема да потклекне на притисоци
Новозибраниот ирански претседател Масуд Пезешкијан изјави дека ќе води прагматична надворешна политика, ќе гради пријателски односи со Кина и Русија, ќе се обиде да ги продолжи нуклеарните преговори со светските сили, но оти САД мора сфатат дека Иран нема да потклекне на притисоци.
Во пишаната изјава за „Техеран Тајмс“ со наслов „Мојата порака до новиот свет“, Пезешкијан нагласува дека Иран нема за цел да развие нуклеарно оружје и ќе се стреми да ги прошири односите со своите соседи и со Европа.
За политиката кон САД наведува дека Вашингтон „мора да ја сфати реалноста и еднаш засекогаш да разбере дека Иран не потклекнува под притисок и нема да се наведнува, а исто така и дека одбранбената доктрина на Иран не вклучува нуклеарно оружје“.
Масуд Пезешкијан ја опишува Русија како „вреден стратешки сојузник“ и изразува подготвеност да ја продлабочи соработката со Кина.
Што се однесува до земјите од регионот, Пезешкијан ги повика Турција, Саудиска Арабија, Оман, Ирак, Бахреин, Катар, Кувајт и Обединетите Арапски Емирати да ги зајакнат трговските односи со Иран и да соработуваат со Техеран за да се надминат „заедничките предизвици“.
Ново на Сител
-
Изгаснати пожарите во липковско Матејче и во Жегљане, Старо Нагоричане
-
Претрес во Ресен, пронајдена марихуана и муниција
-
Јапонските власти до населението: Не правете залихи од храна поради најавите за мегапотрес
-
Тридневна жалост во Бразил по уривањето на патнички авион
-
ЦУК: Активни неколку пожари во земјата
-
Осомничен за разбојништво во Куманово не почитувал мерки на претпазливост, побаран притвор
-
Зголемена фреквенција на возила на Табановце и на Богородица
-
Дваесет и три години од загинувањето на бранителите кај Љуботенски Бачила