Петти маратон за создавање игри - Global Game Jam Македонија
Македонската асоцијација за развивање игри - МАГДА од денеска до 22 јануари во Скопје, Битола и Охрид ќе го организира петтиот Global Game Jam Македонија.
Global Game Jam е најголемиот интернационален настан за креирање игри, кој се одржува еднаш годишно истовремено на голем број локации низ светот, во вид на 48-часовен маратон.
Целта на Global Game Jam, кој е дел од International Game Developers Association (IGDA), е да поттикне креативност, соработка и експериментирање кај сите што сакаат да создаваат игри. Минатата година Global Game Jam се одржа на 611 локации во 93 земји и беа создадени 6866 игри.
Македонија почна да учествува на овој глобален настан во 2013 година, со локации во Скопје и Битола, а од оваа година и во Охрид.
- Во изминатите три години интересот за учество беше изненадувачки голем и досега се сретнаа скоро 800 учесници - ентузијасти, средношколци, студенти и професионалци од различни сфери. Досега се создадени 104 игри во прототип, од кои некои продолжија да се развиваат во комерцијални продукти. Во 2016-та Македонија беше на петтото место во светот по бројот на игри создадени на нашиот настан по глава на жител, соопшти МАГДА.
Global Game Jam Македонија ќе се одржува во просториите на Факултетот за информатички науки и компјутерско инженерство-ФИНКИ во Скопје и во Советот на Општина Битола. Во текот на работата ментори од компанијата ShadowGrid ќе им помагаат на учесниците и ќе одржуваат кратки предавања. За најиновативните тимови и поединци се обезбедени награди.
Ново на Сител
-
Министерство за здравство: Ќе се утврдат причините за смртта на 14-месечно бебе
-
Спасувачите трагаат по исчезнати по поплавите и свлечиштата во Јабланица
-
Досега нема кривична пријава поврзана со „Конти“, граѓаните да внимаваат при вложување пари во вакви апликации
-
Лазов: ДСЗИ ќе изврши вонреден инспекциски надзор во здравствените установи каде починатотото бебе било претходно лекувано
-
МОН: Честит 5 Октомври – Светски ден на учителот
-
Над 20 интервенции ноќеска во поплавени куќи во Тетово
-
Тошковски: Да се фокусираме на професионалноста, а не на етничкиот предзнак
-
Фич: Курсот на денарот и банкарскиот сектор остануваат стабилни