Петмина Палестинци загинаа во судири со израелската армија во северниот дел на Западниот Брег
Петмина Палестинци загинаа во судирите со израелската армија во секторот Тулкарем на северот на Западниот Брег – двајца од Палестинците биле смртно застрелани, а другите тројца загинале во напад со беспилотно летало.
Убиените се мажи на возраст меѓу 21 и 29 години. Тие беа убиени за време на операција на израелската армија во Тулкарем, изјави Амин Хадер, директор на болницата Табет.
Палестинското Министерство за здравство синоќа објави дека 14 лица се убиени во Џенин, на Западниот Брег, во напад на израелските сили – најсмртоносен на таа територија од 2005 година.
Израелската војска соопшти дека тие операции се одговор на значителното зголемување на терористичките акти на Западниот Брег од почетокот на војната со Хамас во Појасот Газа.
Оттогаш имало над 550 обиди за напади. Од почетокот на војната, околу 180 Палестинци се убиени на Западниот Брег од војската или од еврејски доселеници, според Министерството за здравство на Хамас.
Ново на Сител
-
Се толерираат ли нестручни кадри во здравствениот систем?
-
Тема на денот со Васко Наумовски, поранешен вицепремиер за европски прашања
-
Преглед на вести од светот
-
Сведоштво во судница на мајката на убиената Вања
-
Стручната комисија утврди лекарски пропусти за смртта на 14 месечното бебе
-
Берлински процес
-
Новиот Закон за правична е готов но не е испратен до Влада, допрва ќе се договарале деталите
-
Утре почнува грејната сезона, но основните училишта во Карпош ќе останат со студени радијатори