Македонија
2. January 2017 - 13:19

Пет бебиња се родија во Кавадарци, а првото е машко

Машко е првото родено бебе оваа година во Општата болница во Кавадарци. Станува збор за прворотка која со помош на царски рез на свет донесе здраво машко дете.

Во текот на вчерашниот ден во оваа болница се родија пет бебиња. Две бебиња се родени со помош на царски рез, а три спонтано. 

- Во 2016 година во оваа болница се регистрирани 478 новороденчиња. Евидентирани се доста треторотки од неколкуте општини од Тиквешкиот регион, со оглед на тоа што овде се породуваат главно трудници од Кавадарци, Неготино, Росоман и Демир Капија, информираше денеска докторот Бранко Попов, началник на гинеколошкото одделение. 

Попов соопшти дека најмладата мајка од тие што се породија вчера и тоа спонтано, има само 14 години.